మీర్ పేటలో దారుణం.. మైనర్‌ బాలికపై అత్యాచారం.. వీడియోలతో బ్లాక్‌మెయిల్

జూబ్లీహిల్స్ ఇష్యూ ఘటనకు ముందే పలు ఘటనలు వెలుగులోకి వస్తున్నాయి. రంగారెడ్డి, మీర్ పేటలో దారుణం చోటుచేసుకుంది. వివరాల్లోకి వెళితే.. మీర్ పేట పోలీస్ స్టేషన్ పరిధిలోని బడంగ్ పేటకు చెందిన యువతి(19) పై అత్యాచారానికి ఒడిగట్టాడు. 

ఇంటర్ మీడియట్ చదువుతున్న అమ్మాయితో పరిచయం చేసుకున్న ఆ యువకుడు పెళ్లి చేసుకుంటానని నమ్మించి కామ వాంఛ తీర్చుకున్నాడు. వివరాల్లోకి వెళితే.. కాచిగూడలోని జూనియర్ కళాశాలలో ఓ యువతి గత సంవత్సరం జూలైలో ఇంటర్మీడియట్ చదువుకుంది. అదే కాలేజీలో చదువుకుంటున్న నల్లకుంటకు చెందిన జి. అమిత్ వర్ధన్(19) బాధిత యువతి క్లాస్‌మేట్. 

పెళ్లి చేసుకొంటానని యువతిని నమ్మించి పలుమార్లు శారీరకంగా కలిశారు. ఆ సమయంలో యువతికి తెలియకుండా తన ఫోన్‌లో శృంగారం వీడియోలు తీశాడు. ఆ తర్వాత వీడియోలతో బెదిరించాడు.  విషయం ఎవరికైనా చెబితే వీడియోను సోషల్ మీడియాలో వైరల్ చేస్తానని బెదిరింపులకు పాల్పడ్డాడు. 

ఈ ఘటనపై బాధితురాలి తల్లిదండ్రుల ఫిర్యాదు మేరకు పోలీసులు కేసు నమోదు చేసుకుని నిందితుడిని నిర్భయ (పోస్కో) చట్టం కింద అరెస్ట్ చేసి రిమాండ్‌కు తరలించినట్లు మీర్ పేట ఇన్ స్పెక్టర్ మహేందర్ రెడ్డి తెలిపారు.