తెలంగాణాలో ఓ విషాదకర ఘటన ఒకటి జరిగింది. ఓ వృద్ధులు తన కుటుంబ సభ్యులకు భారంకారాదని భావించి బావిలో దూకి ఆత్మహత్య చేసుకుంది. రెక్కల కష్టంతో మిమ్మల్ని పెంచి పెద్ద చేసినందుకు ఇంతకాలం కష్టాలు లేకుండా చూశారు. ఇంకా నాకు బతకాలనే ఉంది. కానీ అనారోగ్య సమస్యలు వెంటాడుతున్నాయి. నాకు సపర్యలు చేయడం కోసం మీరు ఇబ్బంది పడొద్ధు అందుకే మీకు కనిపించనంత దూరం వెళ్లిపోతున్నా.. నా కడుపున పుట్టిన మీరు.. నన్ను క్షమించండి నాన్నా అంటూ.. పండగ వేళ ఓ వృద్ధురాలు బావిలో దూకి ఆత్మహత్య చేసుకుంది.
ఈ విషాదకర ఘటన తెలంగాణాలోని హనుమకొండ జిల్లా ఆత్మకూరు మండల కేంద్రంలో ఆదివారం చోటుచేసుకుంది. పోలీసులు వెల్లడించిన వివరాల మేరకు.. ఆత్మకూరుకు చెందిన వెల్దండి లక్ష్మి (85)కి ఇద్దరు కుమారులు, ముగ్గురు కుమార్తెలు సంతానం. అందరి వివాహాలు అయ్యాయి. 30 ఏళ్ల క్రితమే లక్ష్మి భర్త ఉప్పలయ్య మృతి చెందాడు.
