'అరుంధతి' చిత్రం తర్వాత దర్శకుడు కోడిరామకృష్ణ తీసిన చిత్రం ''నాగభరణం''. ''అమ్మోరు'', ''అరుంధతి'' వంటి విజువల్ వండర్స్‌ని రూపొందించిన శత చిత్ర దర్శకుడు కోడి రామకృష్ణ దర్శకత్వంలో రూపు దిద్దుకుంటున్న మరో అద్భుతం ఈ చిత్రం. కన్నడ సూపర్‌స్టార్‌ విష్ణువర్థన్‌ను ఈ చిత్రంలో విజువల్ ఎఫెక్ట్స్‌తో క్రియేట్‌ చేశారు. రూ.40 కోట్ల భారీ బడ్జెట్‌తో అద్భుతమైన గ్రాఫిక్స్‌తో విజువల్ వండర్‌గా రూపొందుతున్న ఈ చిత్రాన్ని పెన్‌ మూవీస్‌, ఇన్‌బాక్స్‌ పిక్చర్స్‌, బ్లాక్‌బస్టర్‌ స్టూడియో పతాకాలపై జయంతి లాల్‌ గాడా, సాజిద్‌ ఖురేషి, సొహైల్‌ అన్సారీ ఈ చిత్రాన్ని నిర్మిస్తున్నారు.
ఈ నేపథ్యంలో ఈ మూవీ తెలుగు హక్కులు భారీ రేటుకు అమ్ముడుపోయాయి. ప్రముఖ నిర్మాత ఙ్ఞానవేల్ రాజా ఈ సినిమా తెలుగు రైట్స్‌ను సొంతం చేసుకున్నాడు. ఈ సందర్భంగా ''నాగ భరణం'' పేరుతో ఈ సినిమాను తెలుగులో విడుదల చేస్తున్నట్లు ఙ్ఞానవేల్ రాజా తెలిపారు. కన్నడ హీరోయిన్ రమ్య ప్రధాన పాత్ర పోషిస్తున్న ఈ సినిమాలో దిగంత్, ముకుల్ దేవ్, రవికాలే, అమిత్ తదితరులు వివిధ పాత్రలలో నటించారు. గురుకిరణ్ ఈ మూవీకి సంగీతాన్ని అందిస్తున్నారు. తన జీవితాన్ని నాశనం చేసినవారిని శివభక్తురాలు రమ్య 'శివనాగం' రూపమెత్తి పగతీర్చుకునే కథతో దీన్ని రూపొందించారు. త్వరలోనే ఈ సినిమా ప్రేక్షకుల ముందుకు రానుంది.
