రామ్ చరణ్ డైరెక్టర్ సుకుమార్ కాంబోలో సినిమా రూపొందుతున్న సంగతి తెలిసిందే. ప్రస్తుతం సురేందర్ రెడ్డి దర్శకత్వంలో చేస్తోన్న ''ధ్రువ'' షూటింగ్ పూర్తి అయిన తర్వాత ఈ సినిమా మొదలకానుంది. ఈ సినిమాలో 'బ్రూస్ లీ' తర్వాత రామ్ చరణ్ సరసన రకుల్ ప్రీత్ సింగ్ రెండో సారి నటిస్తోంది. ఈ సినిమా అనంతరం చరణ్ .. సుకుమార్ కాంబినేషన్‌లో సినిమా రాబోతుంది. ప్రస్తుతం ఈ సినిమా పనుల్లోనే సుకుమార్ ఫుల్ బిజీగా ఉన్నాడు.
ఈపరిస్థితుల్లో ఈ సినిమా కథాంశం ఏమై ఉంటుందా అని అభిమానులు ఆసక్తితో ఎదురుచూస్తున్నారు. ఇది గ్రామీణ నేపథ్యంలో కొనసాగే ప్రేమ కథాంశమనేది టాలీవుడ్ వర్గాల సమాచారం. కోనసీమ బ్యాక్ డ్రాప్‌లో ఈ కథ కొనసాగుతుందనీ.. కోనసీమ కుర్రోడుగా చరణ్ కనిపిస్తాడని సినీవర్గాలు అంటున్నాయి. అన్ని వర్గాల ప్రేక్షకులకు నచ్చేలా ఈ కథను సుకుమార్ సిద్ధం చేశాడట. నవంబరు నెలలో ఈ సినిమా సెట్స్ పైకి వెళ్లనుందని సినీవర్గాలు అంటున్నాయి.
