పవర్ స్టార్ పవన్ కళ్యాణ్ హీరోగా నటించిన చిత్రం "వకీల్ సాబ్". శుక్రవారం ప్రపంచ వ్యాప్తంగా విడుదలైంది. ఈ చిత్రం తొలి ఆట నుంచే మంచి పాజిటివ్ టాక్‌ను సొంతం చేసుకుంది. శ్రీరామ్ వేణు తెర‌కెక్కించిన ఈ చిత్రానికి సంబంధించి పెద్ద‌గా ప్ర‌మోషన్స్ చేయ‌క‌పోయిన సినిమాపై భారీ అంచ‌నాలు నెలకొన్నాయి. పవన్ రీ ఎంట్రీ సినిమా కావ‌డంతో ఈ సినిమాను చూసేందుకు చాలా మంది ఆస‌క్తి చూపుతున్నారు. శుక్రవారం ఉద‌యం దిల్ రాజు బెనిఫిట్ షోని చూసి ఫుల్ ఎంజాయ్ చేశారు.
కాగా, 'వకీల్ సాబ్' చిత్రాన్ని దిల్ రాజు - బోనీ క‌పూర్ సంయుక్తంగా నిర్మించారు. అన‌న్య నాగ‌ళ్ల, అంజ‌లి, నివేదా థామ‌స్ ముఖ్య పాత్ర‌లు పోషించ‌గా, శృతి హాస‌న్ క‌థానాయిక‌గా ప్రత్యేక పాత్రలో కనిపించనుంది. థమన్ సంగీత బాణీలు సమకూర్చారు.
