మెగాస్టార్ చిరంజీవి 150వ సినిమా ఖైదీ నెంబర్: 150 సినిమా షూటింగ్ శరవేగంగా జరుగుతోంది. ఈ సినిమాకు చెందిన ఓ ఐటం సాంగ్‌ను అన్నపూర్ణ స్టూడియోస్‌లో వేసిన ప్రత్యేక మైన సెట్‌లో చిత్రీకరిస్తున్నారు. ఎప్పటిలాగే చిరు ఈసినిమాలోకూడ డ్యాన్సులపై ఎక్కువ శ్రద్ధ పెట్టినట్టు సమాచారం. ముఖ్యంగా ఐటమ్ సాంగ్‌కు చిరు ఫేవరేట్‌ కంపోజర్‌ రాఘవా లారెన్స్‌ కొరియోగ్రఫీ చేస్తున్నారు.
ఇకపోతే దర్శకుడు వివి వినాయక్‌ కూడా సినిమా మేకింగ్ విషయంలో కాంప్రమైజ్ కాకుండా తెరకెక్కిస్తున్నారు. అందుకే చిరంజీవి, హీరోయిన్‌ కాజల్‌పై పాటచిత్రీకరణను ఉక్రెయిన్‌లో జరపనున్నారు. దీంతో అక్టోబర్ చివరి నాటికి ఉక్రెయిన్‌లో చిరంజీవి కాజల్‌తో రొమాన్స్ చేయనున్నారు. ఇక దాదాపు షూటింగ్ పూర్తిచేసుకున్న ఈ చిత్రాన్ని సంక్రాంతి సందర్భంగా విడుదల చేయనున్నారు.
