రెబల్‌ స్టార్‌ డా. యు.వి. కృష్ణంరాజు సమర్పణలో గ్లోబల్‌స్టార్‌ ప్రభాస్‌, గాడ్జియస్‌ బ్యూటీ పూజా హెగ్డే జంటగా, రాధాకృష్ణ కుమార్‌ దర్శకత్వంలో ప్రముఖ నిర్మాణ సంస్ధలు గోపీ కృష్ణ మూవీస్‌, యూవీ క్రియేషన్స్‌ భారీ బడ్జెట్‌ తో రాధే శ్యామ్‌ సినిమాను అత్యంత ప్రతిష్ఠాత్మకంగా నిర్మిస్తున్నారు. వంశీ, ప్రమోద్‌, ప్రసీధలు ఈ పాన్‌ ఇండియా సినిమాకు నిర్మాతలుగా వ్యవహరిస్తున్నారు. జస్టిన్‌ ప్రభాకరన్‌ ఈ చిత్రానికి సంగీతాన్ని అందిస్తున్నారు. హిందీ వెర్షన్‌ కు మిథూన్‌, మనన్‌ భరద్వాజ్‌ సంగీతం అందిస్తున్నారు. ఈ భారీ లవ్లీ విజువల్‌ వండర్‌ ని ఏకకాలంలో ఐదు భాషలతో పాటు చైనీస్‌, జపనీస్‌ భాషల్లోనూ భారీ రేంజ్‌లో విడుదల చేస్తున్నారు. మార్చి 11న ప్రేక్షకుల ముందుకు వస్తున్న సందర్భంగా చిత్ర దర్శకుడు రాధా కృష్ణ కుమార్‌, మీడియాతో ముచ్చటించారు.
