సౌత్ ఇండియన్ సూపర్ స్టార్ హోదా అనుభవిస్తున్నప్పటికీ... ఆయనలో ఆ స్టార్ హోదా మచ్చుకైనా కనిపించదు. కులమతాలకు అతీతంగా, దేశ విదేశాల్లో ఆయనకు అభిమానులు ఉన్నారు. అయినా అతి సామాన్య వ్యక్తిలా ఉండే జీవితాన్నే ఇష్టపడతారు.
అంటే, సినిమాల‌లో ఎంతో స్టైలిష్‌గా ఉండే రజనీకాంత్, నిజజీవితానికి వ‌చ్చే స‌రికి పూర్తి వ్య‌తిరేఖంగా ఉంటారు. ఎంత పెద్ద వేడుక అయిన సింపుల్‌గా వెళ‌తారు. రజినీకాంత్‌కి జుట్టు లేకపోయిన ఏనాడు ఆయ‌న బ‌య‌ట విగ్గు ధ‌రించ‌రు. అయితే తాజాగా జ‌రిగిన ఓ కార్య‌క్ర‌మంలో రజనీకాంత్ త‌న హెయిర్‌కి సంబంధించి చ‌మ‌త్కారం చేసి అంద‌రిని న‌వ్వించారు.
"నాకు 1980 నుండి ష‌ణ్ముగ‌న్ తెలుసు. మా ఇద్ద‌రికి మంచి అనుబంధం ఉంది. ఈ వ‌య‌సులోనూ ఆయ‌న ఎంతో ఉత్సాహంగా ఉంటారు. ముఖంలో చాలా క‌ళ ఉంటుంది. ఎప్పుడు న‌వ్వుతూ ఉంటారు. హెయిర్ స్టైల్ కూడా చాలా బాగుంటుంది. హెయిర్ స్టైల్ వెనుక ఉన్న సీక్రెట్ ఏంటో నాకు తెలిసి ఉంటే నా జుట్టు ఊడ‌కుండా జాగ్ర‌త్త‌లు తీసుకునేవాడి"న‌ని చ‌మ‌త్క‌రించారు రజనీ. దీంతో అక్క‌డి వారు తెగ న‌వ్వేశారు.
