అజిత్‌ హీరోగా హెచ్‌.వినోద్‌ దర్శకత్వంలో రూపొందుతున్న యాక్షన్‌ థ్రిల్లర్ ‘వాలిమై’. ఇందులో అజిత్‌ సీబీ సీఐడి అధికారిగా కనిపించనున్నారు. దాదాపు చిత్రీకరణ పూర్తి చేసుకున్న ‘వాలిమై’ ప్రస్తుతం నిర్మాణానంతర కార్యక్రమాలు జరుపుకొంటోంది. అజిత్‌కు జోడీగా హ్యుమా ఖురేషి నటిస్తుండగా, యువన్‌ శంకర్‌రాజా స్వరాలు సమకూరుస్తున్నారు. బేవ్యూ ప్రొజెక్ట్స్‌ బ్యానర్ లో జీ స్టూడియోస్, బోనీకపూర్ సంయుక్తంగా నిర్మిస్తున్నారు. ఈ సినిమాకు సంబందించిన మోషన్ పోస్టర్ ఆదివారం సాయంత్రం నిర్మాత బోనీకపూర్ విడుదల చేశారు.
