బాలీవుడ్ అందాలనటి కరీనాకపూర్ రెండు సంవత్సరాల విరామం తర్వాత మళ్లీ వెండితెరపై కనిపించనున్నారు. బాలీవుడ్ నటుడు సైఫ్ అలీఖాన్‌తో పెళ్లి అనంతరం 2016లో కరీనా గర్భం దాల్చడంతో కొంత విరామం తీసుకున్నారు. బుల్లి తైమూర్ అలీఖాన్‌కు జన్మనిచ్చిన తర్వాత కరీనా 'వీర్ డి వెడ్డింగ్' సినిమాతో మళ్లీ కెమెరా ముందుకు వచ్చారు.
కానీ రియా మాత్రం డెలివరీ అయినంత వరకు వేచివుంటానని చెప్పారని కరీనా గుర్తుచేసుకున్నారు. దీంతో జిమ్‌కు వెళ్లి కసరత్తులు చేసి మళ్లీ సినిమాల్లో నటించమని తన భర్తే ప్రేరేపించాడని కరీనా చెప్పుకొచ్చారు. 'నన్ను అర్థం చేసుకునే భర్త లభించడం నా అదృష్టం... షూటింగుకు నా కుమారుడిని వెంట తీసుకొని వస్తున్నాను... ఇప్పటివరకు నా జీవన ప్రయాణం అందంగా చాలా బాగా సాగుతోంది' అని కరీనాకపూర్ వివరించింది.
