సాహో ద‌ర్శ‌కుడు సుజిత్‌కు మ‌ళ్ళీ ఎందుకు అవ‌కాశం రాలేదు!

Prabhas, Sujit

రెబ‌ల్ స్టార్ ప్ర‌భాస్‌తో 2019లో సాహో చిత్రం చేశాక ఒక్క‌సారిగా ద‌ర్శ‌కుడు సుజిత్ పేరు అంద‌రికీ తెలిసింది. శ‌ర్వానంద్‌తో ర‌న్ రాజా రన్ చిత్రం త‌ర్వాత ఆయ‌న‌కు ప్ర‌భాస్‌తో వ‌చ్చిన అవ‌కాశం అది. ఆ సినిమా త‌ర్వాత సుజిత్ కెరీర్ ఎక్క‌డికో వెళ్ళిపోతుంద‌నే అనుకుంది టాలీవుడ్‌. సాహో సినిమాను బాలీవుడ్‌ను కూడా ఆక‌ర్షించింది. బాలీవుడ్ స్టార్‌లు కూడా న‌టించారు.  ఆ సినిమా డివైడ్ టాక్ తెచ్చుకుంది.

టెక్నిక‌ల్‌గా మంచి పేరు తెచ్చుకున్న సాహోకు చిరంజీవి అభినంద‌లు ద‌క్కాయి. ఆ త‌ర్వాత చిరంజీవితో సినిమా చేయాల‌నేది ప్లాన్‌. అందుకు రంగం సిద్ధ‌మైంది కూడా. మ‌ల‌యాళ‌సినిమా లూసిఫ‌ర్  ను రీమేక్ చేయ‌నున్న‌ట్లు ప్ర‌క‌టించారు. ప్రీ ప్రొడ‌క్ష‌న్ ప‌నులుకు సుజిత్ సిద్ధం అయ్యాడు. కానీ కొన్ని కారణాల వ‌ల్ల ఆ చిత్రానికి వినాయ‌క్ లైన్‌లోకి వ‌చ్చాడు. దాంతో స్క్రిప్ట్ ద‌శ‌లోనే సుజిత్ త‌ప్పుకున్నాడు. ఆ త‌ర్వాత చిరంజీవి వ‌ర‌స‌పెట్టి నాలుగు సినిమాలు చేయ‌డం మొద‌లు పెట్టారు. కానీ సుజిత్‌కు అవ‌కాశం మాత్రం అందులో ఏ ఒక్క సినిమాకూ రాలేదు. 

అంత‌ర్లీనంగా కొంత‌మంది పోక‌డ‌వ‌ల్ల చిరంజీవి సినిమాలో త‌ను త‌ప్పుకున్న‌ట్లు తెలుస్తోంది. పెద్ద హీరోల‌కు కాంబినేష‌న్‌లు నిర్మాత‌లు చూస్తుంటారు. సాహో గొప్ప సినిమా అయినా అది క‌మ‌ర్షియ‌ల్‌గా అంత‌గా వ‌ర్క‌వుట్ కాలేద‌నీ టాక్ కూడా వుంది. ఆ త‌ర్వాత ప్ర‌భాస్ తో మ‌రో సినిమా చేయ‌డానికి సుజిత్ ఓ క‌థ‌ను సిద్ధం చేసుకున్నాడు. మ‌రి అది ఎప్పుడు వ‌ర్క‌వుట్ అవుతుందో చూడాలి.