దేశ అత్యుతున్నత న్యాయస్థానం సుప్రీంకోర్టు ప్రధాన న్యాయమూర్తి ఎన్వీ రమణ కాలం చెల్లిన చట్టాల అమలుపై ఆగ్రహం వ్యక్తం చేశారు. ముఖ్యంగా, సెక్షన్ 124-A (దేశద్రోహం నేరం కింద కేసు)పై సీజేఐ ఎన్వీ రమణ సంచలన వ్యాఖ్యలు చేశారు.
రాజకీయ ప్రత్యర్థులను అణిచివేయడానికి.. ఈ సెక్షన్‌ను దుర్వినియోగం చేస్తున్న ఉదంతాలు ఉన్నాయన్నారు. ఇంకా ఎన్వీ రమణ స్పందిస్తూ, స్వాతంత్ర సమరయోధులను అణిచివేయడానికి.. బ్రిటీష్ వలస పాలకులు వాడిన ఈ చట్టం ఇంకా అవసరమా? పరిశీలించాల్సిన సమయం అసన్నమైంది. పాత కాలపు, పనికిమాలిన చట్టాలను తొలగించిన ప్రభుత్వం ఈ చట్టం జోలికి ఎందుకు వెళ్ళలేదు? కొయ్యను మల్చడానికి వడ్రంగి చేతికి రంపం ఇస్తే అడవిని నాశనం చేసినట్టు ఈ చట్టం ఉంది.
వ్యవస్థలకు, వ్యక్తులకు ఈ చట్టం వల్ల తీరని నష్టం జరుగుతోంది. 124-A సెక్షన్ రద్దు చేయాలని ఎడిటర్ గిల్డ్ దాఖలు చేసిన పిటిషన్‌తో పాటు.. అన్నింటినీ కలిపి విచారించడానికి ధర్మాసనం అంగీకరించింది. కేంద్రానికి ధర్మాసనం నోటీసులు జారీ చేసింది అని అన్నారు.
