ఈ వివరాలను పరిశీలిస్తే, మధ్యప్రదేశ్ రాష్ట్రంలోని ఉజ్జయినీలో ప్రభుత్వ ఆస్పత్రి ఉంది. ఈ ఆస్పత్రిలో చికిత్స పొందుతున్న ఓ రోగికి ఆపరేషన్ చేసేందుకు ఆపరేషన్ థియేటర్‌కు తరలించారు. ఆపరేషన్ చేసేందుకు వచ్చిన 49 యేళ్ళ సివిల్ సర్జన్ (వైద్యుడు), అదే ఆస్పత్రిలో పనిచేసే ఓ నర్సుతో ముద్దుల్లో మునిగిపోయారు.
ఈ విషయం బయటకు పొక్కి, చివరకు జిల్లా కలెక్టర్ శశాంక్ మిశ్రా దృష్టికెళ్ళింది. దీంతో ఆయన ప్రాథమిక విచారణకు ఆదేశించగా, ముద్దుల వర్షం నిజమేనని తేలింది. దీంతో వైద్యుడుని విధుల నుంచి తప్పించారు. ఈ ఘటనపై పూర్తి విచారణకు ఆదేశించారు.
