సైరా నరసింహారెడ్డి సినిమాతో బ్లాక్‌బస్టర్ అందుకున్న చిరంజీవి అభిమానులకి మరో పండగ గిఫ్ట్ ఇచ్చేశారు. చిరంజీవి, కొరటాల శివ కాంబినేషన్‌లో ఓ సినిమా తెరకెక్కబోతున్న సంగతి తెలిసిందే. దసరా పర్వదినాన్ని పురస్కరించుకుని ఈ రోజు సినిమాకు సంబంధించిన పూజా కార్యక్రమాన్ని నిర్వహించారు.
ఇక ఈ సినిమాలో చరణ్ కూడా నటించనున్నాడని ప్రచారం జరుగుతోంది. అధికారిక ప్రకటనలు ఏవీ లేకున్నా ఈ చిత్రంలో ఫ్లాష్ బ్యాక్ ఎపిసోడ్‌లో చరణ్ పాత్ర ఉంటుందని అంటున్నారు. దాదాపు 30 నిమిషాల పాటు ఉండే ఈ పాత్ర సినిమాకు చాలా కీలకం అని చెప్తున్నారు. ఇందులోనే చిరంజీవి, చరణ్ కలిసి నటించబోతున్నారని అంటున్నారు. అంతేకాదు ఈ చిత్రంలో రంగస్థంలో చెర్రీకి అత్తగా నటించిన హాట్ యాంకర్ అనసూయ కూడా నటిస్తుందని ప్రచారం జరుగుతోంది. మరి ఈ వార్త నిజమో కాదో తెలియాలంటే మరి కొద్ది రోజులు ఆగక తప్పదు.
