చెన్నై నగరంలోని స్థానిక అంజికరైలో జరిగిన ఈ వివరాలను పరిశీలిస్తే, అంజికరై వల్లలార్‌ వీధికి చెందిన శంకర్ సుబ్బు (45) అదే ప్రాంతంలో కిరాణ దుకాణం నడుపుతున్నాడు. ఈయన భార్య తమిళ్‌సెల్వి (40). వీరికి ఓ కుమారుడు, కుమార్తె ఉన్నారు. కుమార్తె సమీపంలోని పాఠశాల్లో 8వ తరగతి చదువుతోంది.
దీనిపై భర్త ఫిర్యాదు మేరకు కేసు నమోదు చేసిన పోలీసులు విచారణ చేపట్టారు. ఈ లోపు కీల్పాక్కం ప్రభుత్వ ఆసుపత్రి నుంచి పోస్టుమార్టం రిపోర్టు వచ్చింది. ఇందులో తమిళ్ సెల్వి ఆత్మహత్య చేసుకోలేదని గొంతు నులమడంతో ఊపిరాడక మరణించినట్లు తేలింది. మృతి చెందిన తర్వాత చేతి మణికట్టుపై గాయం ఏర్పడినట్లు శవ రిపోట్లు తేల్చింది.
ఆ తర్వాత రంగంలోకి దిగిన పోలీసులు... సీసీ కెమెరా పుటేజీలను నిశితంగా పరిశీలించారు. అదే ప్రాంతంలో నివసిస్తున్న శంకర్‌సుబ్బు సోదరి కుమారుడు పదో తరగతి చదువుతున్న బాలుడు వచ్చి వెళ్లినట్లు తెలిసింది. దీంతో ఆ విద్యార్థిని పోలీసులు స్టేషన్‌కు తీసుకెళ్లి విచారణ జరిపారు. ఆ సమయంలో విద్యార్థి తన అత్తను తానే హత్య చేసినట్లు అంగీకరించాడు.
