భీమవరం, పాలకొల్లుల్లో మంగళవారం జరిగిన బహిరంగ సభల్లో పవన్ పాల్గొని ప్రసంగించారు. చంద్రబాబుపై కేసీఆర్‌కు మంటవుంటే.. చంద్రబాబు విమోచనా సమితి అని పార్టీ పెట్టుకో.. అంతేకానీ ఆంధ్ర ప్రజలపై పడి ఏడిస్తే ఊరుకోనని హెచ్చరించారు.
చంద్రబాబు, జగన్‌ల పల్లకీలు మోసి మోసి అలసిపోయాం.. సామాన్యుల్ని పల్లకీలో ఎక్కించే కాలం అసన్నమైందన్నారు. పైగా, ఇది జనసేనతోనే అరంభమైందన్నారు. రాజకీయాలు కొన్ని సామాజిక వర్గాలకే పరిమితం కాకూడదు. అందరికీ సమన్యాయం జరిగాలి. ఇది జనసేన సిద్ధాంతమని ఆయన విస్పష్టంగా చెప్పారు.
అలాగే, పాలకొల్లులో వైకాపా అభ్యర్థిగా పోటీ చేస్తున్న డాక్టర్‌ బాబ్జీ మంచితనాన్ని తీసుకెళ్లి వైసీపీ మురుగుకాల్వలో కలిపేశారన్నారు. నీతి మంతులు అవినీతి పార్టీలోకి ఎందుకు వెళ్ళారని ప్రశ్నించారు. డాక్టర్‌ బాబ్జీకి ఓటేస్తే మురుగుకాల్వలో ఓటు వేసినట్లేనని విమర్శించారు. పాలకొల్లు ప్రజలు ఎంతో మంచి వారని.. అయితే గతంలో తన అన్న మెగాస్టార్‌ చిరంజీవి ప్రజారాజ్యం పార్టీతో వస్తే ఇదే విధంగా ఆదరించారని, అయితే కొందరు చెంచాగాళ్ళు రాజకీయ లబ్ధికి అన్నయ్యను మోసం చేశారని పవన్ ఆరోపించారు.
