లవ్ ప్రపోజల్స్. ఇదివరకు తమ హృదయంలోని ప్రేమను తెలియజేసేందుకు ఎన్నో తంటాలు పడేవారు. ప్రేమికురాలికి లవ్ ప్రపోజ్ చేయాలంటే అది ఓ పట్టాన కుదిరే పనికాదు. ఇందుకోసం ఎన్నో రోజులు ఓపిక పట్టాల్సి వుండేది. సదరు అమ్మాయి తన పట్ల సానుకూల దృక్పథంతో వున్నదో లేదో ఒకటికి పదిసార్లు చెక్ చేసుకుని ఆ తర్వాత ప్రపోజ్ చేసేందుకు ధైర్యం చేసేవారు. కానీ ఇప్పుడు పరిస్థితులు మారిపోయాయి. డిజిటల్ ప్రపంచం లవ్ ప్రపోజ్ చేసే విధానాలను కూడా మార్చేస్తున్నాయి.
ప్రస్తుతం సోషల్ మీడియాలో ఓ వీడియో హల్చల్ చేస్తోంది. ఐసీయు వార్డులోకి ఓ స్ట్రెచర్ ను ఓ వ్యక్తి హడావుడిగా లోపలికి తీసుకు వస్తున్నాడు. అక్కడున్న నర్సుకి రోగి పరిస్థితి ఏమిటో చూడమన్నాడు. స్ట్రెచర్ పైన వున్న వ్యక్తి ముఖం మీద క్లాత్ తీసి చూసి నర్స్ ఒక్కసారిగా విలవిలలాడిపోతుంది. దానికి కారణం.. ఆ స్ట్రెచర్ పైన వున్న వ్యక్తి ఆమె లవర్. అతడు చనిపోయాడనుకుని తీవ్రమైన బాధపడుతోంది. ఇంతలో స్ట్రెచర్ పైన వున్న వ్యక్తి చివుక్కున పైకి లేచి తన చేతిలో వున్న పూల బొకేను ఆమెకి ఇచ్చి లవ్ ప్రపోజ్ చేసాడు. ఐతే అలా స్ట్రెచర్ పైన పడుకుని తనకు లవ్ ప్రపోజ్ చేసే ప్రయత్నం చేసినందుకు ప్రియురాలు అతడిని పూలబొకేతో కొట్టి ఆపై కూల్ కూల్ అయ్యింది.
