ఈ రోజు అధ్యక్షా అని సంభోదించే స్ధానంలో నా అక్క జకియా ఖానమ్ అమ్మ కూర్చోవడం చాలా సంతోషంగా ఉంద‌ని ఆయ‌న పేర్కొన్నారు. ఒక సాధారణ కుటుంబం నుంచి ఒక గృహిణిగా చట్ట సభల్లో అడుగుపెట్టడమే కాకుండా, డిప్యూటీ చైర్మన్‌గా ఈ రోజు ఆ స్ధానంలో కూర్చున్న ఆమె అంద‌రికీ గ‌ర్వ‌కార‌ణం అన్నారు. నిజంగా మైనార్టీ అక్క చెల్లెమ్మలందరికీ ఇది ఒక సంకేతం, ఒక సందేశం. మహిళలు అన్ని రకాలుగా పైకి రావాలి, ఆర్ధికంగా, రాజకీయంగా, సామాజికంగా ఎదగాలి, ప్రభుత్వమన్నది తోడుగా ఉండాలి అన్న మన ప్రయత్నం ఈ రెండున్నర సంత్సరాలుగా జరుగుతోంద‌ని సీఎం జగన్ పేర్కొన్నారు.
