విశాఖ ఉక్కు పరిశ్రమను ప్రైవేటీకరించాలన్న కేంద్ర ప్రభుత్వ నిర్ణయాన్ని వ్యతిరేకిస్తూ ఆంధ్రప్రదేశ్ రాష్ట్రంలో భారీ ఎత్తున ఆందోళనలు కొనసాగుతున్నాయి. ఇందులోభాగంగా, శుక్రవారం రాష్ట్రస్థాయి బంద్‌ను కూడా పాటిస్తున్నారు. ఉద్యోగులు, కార్మికులు రోడ్డెక్కారు. రాజకీయ పార్టీలు, ప్రజా సంఘాలు ఆందోళనలు కొనసాగిస్తున్నాయి.
వీటితో సంబంధం లేకుండా పరిశ్రమ విక్రయానికి అధికారులు అడుగులు వేస్తున్నారు. దశాబ్దాల కిందట కర్మాగార ఉద్యోగుల కోసం చేపట్టిన 830 క్వార్టర్లు శిథిలమయ్యాయి. 130 క్వార్టర్లకు మరమ్మతులు చేసుకుని జీవిస్తున్నారు. ప్రస్తుతం ఈ భూమిలో వ్యాపార, నివాస సముదాయాలను నిర్మించి విక్రయించాలని నిర్ణయించారు.
