అలిపిరి తనిఖీ కేంద్రం వద్ద కూడా వాహనాలను తనిఖీలు నిర్వహించిన తర్వాతనే తిరుమలకు అనుమతిస్తున్నారు. బుధవారం రాత్రి కూడా తిరుమలలోని పాపవినాశనం సమీపంలో పోలీసులు ఆకస్మికంగా తనిఖీలు నిర్వహించారు. ఇప్పటికే కోయంబత్తూరులో ఐదుమంది ఐసిస్‌ తీవ్రవాదులు పట్టుకోవడం, అందులో కొంతమంది వేలూరుకు వచ్చి సిఎంసి ఆసుపత్రిలో రోగుల ముసుగులో ఉన్నారని కేంద్రం నిఘా వర్గానికి సమాచారం వచ్చింది. దీంతో పోలీసులు అప్రమత్తమయ్యారు. వేలూరులో కొన్ని చెక్‌పోస్టులను ఏర్పాటు చేసి బయటి రాష్ట్రాల నుంచి వచ్చే వాహనాలను తనిఖీ చేసి పంపుతున్నారు.
