ఎల్లుండి నుంచి లడ్డూలు భక్తులకు అందుబాటులో ఉండనున్నాయి. ఎపిలోని టిటిడి కళ్యాణ మండపాల్లో లడ్డూలను భక్తులకు అందుబాటులో ఉంచనున్నారు. ఇప్పటికే 3 నుంచి 4 లక్షల లడ్డూలను ప్రతిరోజు తయారుచేస్తున్నట్లు టిటిడి ఛైర్మన్ వై.వి.సుబ్బారెడ్డి తెలిపారు. శ్రీవారి భక్తుల కోరిక మేరకు లడ్డూలను అందిస్తున్నట్లు.. అది కూడా తక్కువ రేటుకే ఇవ్వాలని నిర్ణయించుకున్నట్లు టిటిడి ఛైర్మన్ చెప్పారు.
ముఖ్యంగా ఈ-హుండీ ద్వారా ఎవరైతే స్వామివారికి మ్రొక్కుల రూపంలో నగదును చెల్లిస్తారో వారికి మొదటి ప్రాధాన్యత ఇస్తామన్నారు. అవసరాన్ని బట్టి భక్తులకు 5 వేల లడ్డూల వరకు అందజేస్తామన్నారు. శ్రీవారి దర్సనం తిరిగి ప్రారంభమయ్యేంతవరకు భక్తులకు లడ్డూలు అందుబాటులో ఉంటాయన్నారు. శ్రీవారి భక్తులకు దర్సనం కల్పించకపోయినా ఈ-హుండీ ద్వారా కోటి 97 లక్షల రూపాయల ఆదాయం ఈ యేడాది వచ్చినట్లు టిటిడి ఛైర్మన్ తెలిపారు.
