కిర్లంపూడి : కాపు నేత ముద్ర‌గ‌డ‌పై ఆంధ్ర‌ప్ర‌దేశ్ ప్ర‌భుత్వం తీవ్ర నిర్బంధాన్ని విధించింది. ముద్ర‌గ‌డ పాదయాత్ర‌ను అడ్డుకుంటూ, ఆయ‌న్ని గృహ నిర్బంధంలో పెట్టింది. దీనితో ముద్ర‌గ‌డ త‌న యాత్ర‌ను తాత్కాలికంగా విర‌మించుకున్నారు. త‌న‌కు ఎలాంటి స్వేచ్ఛ లేద‌ని, అది క‌లిగిన‌పుడు యాత్ర ప్రారంభిస్తాన‌ని ముద్ర‌గ‌డ మీడియాకు చెప్పారు.
అయితే, కిర్లంపూడిలో ఆయ‌న ఇంటి వ‌ద్ద భారీగా పోలీసుల ప‌హారా పెట్టారు. ముద్ర‌గ‌డ‌కు సంఘీభావం తెల‌ుప‌డానికి ఎవ‌రు వ‌చ్చినా, వారిని అరెస్టు చేస్తున్నారు. తాజాగా వైసీపీ నేత అంబ‌టి రాంబాబు ఇక్క‌డి చేరుకోగానే, పోలీసులు ఆయ‌న్ని అరెస్టు చేశారు. త‌న‌ను అమానుషంగా అరెస్టు చేశార‌ని, ముద్ర‌గ‌డ‌ను క‌లిస్తే త‌ప్పా... ఆయ‌న ఏదైనా ఉగ్ర‌వాద సంస్థ నాయ‌కుడా అని అంబ‌టి ఆగ్ర‌హం వ్య‌క్తం చేశారు.
