511 మంది సర్పంచ్‌ అభ్యర్థులు బరిలో ఉన్నారు. 2,110 వార్డు స్థానాలకు 4,533 మంది అభ్యర్థులు రంగంలో ఉన్నారు. మొత్తం 2,447 పోలింగ్‌ కేంద్రాలను సిద్ధం చేశారు. అన్ని కేంద్రాల్లో ఉదయం 6.30 గంటలకు ఎన్నికలు ప్రారంభమై మధ్యాహ్నం 3.30 గంటల వరకు కొనసాగుతాయి. మొత్తం 7,500 మంది ఉద్యోగులు ఎన్నికల విధుల్లో ఉంటారు.
ఇప్పటికే స్టేజ్‌ 1, 2 రిటర్నింగ్‌ అధికారులు విధినిర్వహణలో ఉండగా, తాజాగా పోలింగ్‌ ఆఫీసర్లు, అదర్‌ పోలింగ్‌ ఆఫీసర్లు, ప్రిసైడింగ్‌ అధికారులను నియమించారు. వీరికి విజయవాడ డివిజన్‌ పరిధిలో రెండు రోజులు శిక్షణ ఇచ్చారు. వీరంతా సోమవారం నుంచి బాధ్యతలు నిర్వహించనున్నారు.
ఆయా మండలాల పరిధిలో గ్రామాలకు కలిపి ఒక బస్సును ఏర్పాటు చేస్తున్నారు. ఆ బస్సులో ఎన్నికల సిబ్బంది ఆయా గ్రామాలకు ఒకరోజు ముందే చేరుకుంటారు. పోలింగ్‌ స్టేషన్లకు తీసుకెళ్లే వాహనాల్లోనూ, పోలింగ్‌ కేంద్రాల దగ్గర పటిష్ట బందోబస్తును ఏర్పాటు చేస్తున్నారు.
