పౌరసత్వ సవరణ బిల్లు అంశంపై కాంగ్రెస్ అధ్యక్షురాలు సోనియా గాంధీ చేయించిన ఒక్క ఫోన్‌కాల్ దెబ్బకు మహారాష్ట్ర ముఖ్యమంత్రి, శివసేన అధినేత ఉద్ధవ్ ఠాక్రే వణికిపోయారు. ఫలితంగా ఈ బిల్లుకు మద్దతిచ్చే అంశంపై శివసేన యూటర్న్ తీసుకుంది. తాము లేవనెత్తిన ప్రశ్నలకు కేంద్రం వివరణ ఇస్తేనే బిల్లుకు మద్దతు ఇస్తామని లేనిపక్షంలో మద్దతిచ్చే ప్రసక్తే లేదని తేల్చిచెప్పింది.
కేంద్ర ప్రభుత్వం లోక్‌సభలో పౌరసత్వ సవరణ బిల్లును ప్రవేశపెట్టింది. దీన్ని విపక్ష పార్టీలన్నీ తీవ్రంగా వ్యతిరేకిస్తున్నాయి. కానీ, బీజేపీని విభేదించి కాంగ్రెస్, ఎన్సీపీల సహకారంతో మహారాష్ట్రంలో అధికారంలో ఉన్న శివసేన మాత్రం సమ్మతం తెలిపింది. ఈ విషయంపై కాంగ్రెస్ అగ్గిమీద గుగ్గిలమైంది.
తాము సూచించిన మార్పులు చేయని పక్షంలో ఈ బిల్లుకు రాజ్యసభలో మద్దతు ఇవ్వబోమంటూ ఆయన పేర్కొన్నారు. మొత్తం మీద సోనియా గాంధీ చేయించిన ఒక్క ఫోన్ కాల్‌తో శివసేన చీఫ్ ఉద్ధవ్ ఠాక్రే వణికిపోయి తమ వైఖరి మార్చుకున్నట్టు తెలుస్తోంది. మొత్తంమ్మీద శివసేన హిందూత్వ వైఖరికి, కాంగ్రెస్ సెక్యులర్ సిద్ధాంతానికి మరోసారి పెద్ద సవాలే ఎదురైనట్టు చెబుతున్నారు.
