కరోనావైరస్ లక్షణాలు ఎలా వుంటాయో తెలుసా? 10 రోజులపాటు ఇలా
శనివారం, 13 జూన్ 2020 (16:34 IST)
కరోనా లక్షణాలపై ఇప్పటికీ చాలా మందికి అవగాహన లేదు. ఎన్ని రకాల ప్రచారం చేస్తున్నా ఈ లక్షణాలను పసిగట్టడంలో చాలా మంది విఫలమవుతున్నారు. అందుకే ఏపీ కోవిడ్ కమాండ్ కంట్రోల్ రోజువారీగా ఎదురయ్యే లక్షణాలను పూసగుచ్చినట్లు చెప్పింది. ఆ వివరాలు తెలుసుకుందాం రండీ...
లక్షణాలు:
ముందుగా - వికారంగా అనిపిస్తుంది. ఈ లక్షణం చాలా తక్కువ మందిలో కనిపిస్తోంది.
మొదటిరోజు - ముందు జ్వరం వస్తుంది. ఇది 24 గంటలు గడిచేటప్పటికి... ఇతర సమస్యల్ని పెంచుతుంది. ( జ్వరం వస్తే అలర్ట్ అవ్వాల్సిందే)
2వ రోజు - అలసట, ఒళ్లునొప్పులు, పొడి దగ్గు... ..ఈ మూడు లక్షణాలూ వచ్చేస్తాయి.
3వ రోజు - అలసట, ఒళ్లునొప్పులు, పొడి దగ్గు... మరింత పెరుగుతాయి. జ్వరం కూడా పెరుగుతుంది.
4వ రోజు - అలసట, ఒళ్లునొప్పులు, పొడి దగ్గు... మరింత పెరుగుతాయి. జ్వరం కూడా పెరుగుతుంది.
5వ రోజు - ఊపిరి తీసుకోవడం కష్టం అనిపిస్తుంది. (ముసలి వారు, ఆల్రెడీ శ్వాస సమస్యలు ఉన్నవారికి మరింత ఎక్కువ ఇబ్బంది ఉంటుంది)
(పై లక్షణాలు కంటిన్యూ అవుతాయి)
6వ రోజు - డే 5 లాగే ఉంటూ... పరిస్థితి ఇంకొంచెం తీవ్రంగా ఉంటుంది.
7వ రోజు - మొదటి ఆరు రోజుల్లో ఆస్పత్రిలో చేరిపోవాలి. లేదంటే... పరిస్థితి మరింత తీవ్రం అవుతుంది. పై లక్షణాలన్నీ మరింత పెరుగుతాయి.
8వ రోజు - ఈ సమయంలో... ఏఆర్డీఎస్ అనే సమస్య ఏర్పడుతుంది. అంటే... ఎక్యూట్ రెస్పిరేటరీ డిస్ట్రెస్ సిండ్రోమ్. ఊపిరి తిత్తులు దెబ్బతింటాయి. ఇది వస్తే చనిపోయే ప్రమాదం ఉంది. కాకపోతే అది చాలా తక్కువ. 2 శాతమే.
9వ రోజు - ఏఆర్డీఎస్ సమస్య మరింత పెరుగుతుంది.
10వ రోజు - పేషెంట్‌ని ఐసీయూలో చేర్చుతారు. పొట్టలో ఎక్కువ నొప్పి వస్తుంటుంది. ఆకలి వెయ్యదు. కొంత మంది మాత్రం చనిపోతుంటారు. ఇక్కడ కూడా చనిపోయేది 2 శాతమే.
17వ రోజు - మొదటి వారంలో ఆస్పత్రిలో చేరితే... రెండున్నర వారాల్లో రికవరీ అయ్యి... డిశ్చార్జి అయ్యే అవకాశాలు 82 శాతం ఉంటున్నాయి.
