ఆంధ్రప్రదేశ్ రాష్ట్ర ప్రభుత్వ మాజీ ప్రధాన కార్యదర్శి, బ్రాహ్మణ కార్పొరేషన్ మాజీ ఎండీ ఐవైఆర్ కృష్ణారావు ఏపీ ముఖ్యమంత్రి చంద్రబాబు వైఖరిపై మండిపడ్డారు. ముఖ్యంగా రాజధాని అమరావతి నిర్మాణంపై ఆయన విమర్శలు గుప్పించారు.
ఇదే అంశంపై ఆయన మాట్లాడుతూ, రాజధాని నిర్మాణంలో ముఖ్యమంత్రి చాలా నిర్లక్ష్యంగా వ్యవహరిస్తున్నారంటూ మండిపడ్డారు. స్విస్ ఛాలెంజ్ విధానం చాలా లోపభూయిష్టంగా ఉందని... సరైన ప్లానింగ్ లేకపోవడం వల్లే రాజధాని నిర్మాణంలో అనేక అవాంతరాలు ఎదురవుతున్నాయని వ్యాఖ్యానించారు.
