పొద్దస్తమానం ఫోనులో మాట్లాడుతుందనీ, ఎంత చెప్పినా వినడం లేదని భావించిన తండ్రి... కన్నబిడ్డపై కన్నెర్రజేయడమేకాకుండా గొడ్డలి కర్రతో తలపై కొట్టడంతో ఆమె అక్కడికక్కడే ప్రాణాలు కోల్పోయింది. కృష్ణా జిల్లా చందర్లపాడు మండలంలో ఈ ఘటన శనివారం జరిగింది. అయితే, ఈ కేసులో మరోకోణం వెలుగుజూసింది.
చందర్లపాడు మండలం తోటరావులపాడు గ్రామానికి చెందిన కోటయ్య అనే వ్యక్తి కుమార్తె చంద్రిక(24). ఇటీవల బీఫార్మసీ పూర్తిచేసి ఎంఫార్మసీలో చేరింది. కాలేజీ మొదలు కావడానికి కొద్దిరోజుల సమయం ఉండటంతో ఆమె ఇంటివద్దే ఉంటోంది. ఈ క్రమంలో శనివారం ఎవరితోనో ఫోన్ మాట్లాడుతుందని తండ్రి కోటయ్య అరిచాడు. తాను స్నేహితులతో మాట్లాడుతున్నాని చెప్పింది.
ఈ దర్యాప్తులో మరో ఆసక్తికర విషయం వెలుగు చూసింది. చంద్రిక మొబైల్ డేటాను అంటే చివరిసారి ఫోనులో మాట్లాడిన నంబరును ఆరా తీశారు. ఆ ఫోన్ నంబరు చంద్రిక ప్రియుడిదిగా గుర్తించారు. దీంతో ఆ యువకుడిని అదుపులోకి తీసుకుని విచారించగా, తమ ఇద్దరి మధ్య ప్రేమ ఉన్నట్టు అంగీకరించాడు. తమ ప్రేమ విషయాన్ని చంద్రిక ఇంట్లో చెప్పడంతోనే ఈ దారుణం జరిగిందని వెల్లడించాడు.
