ఆయాసం, డీహైడ్రేషన్.. అస్వస్థతకు గురైన మంత్రి విడదల రజిని

ఏపీ వైద్య ఆరోగ్య శాఖ మంత్రి విడదల రజిని అస్వస్థతకు గురయ్యారు. జగ్గయ్యపేటలో పలు సంక్షేమ కార్యక్రమాలను ప్రారంభించిన ఆమె అలసటకు గురయ్యారు. ఈ కార్యక్రమాలకు హాజరయ్యేందుకు రజినీ పల్నాడు జిల్లా చిలకలూరిపేటకు వెళ్లారు. 

జగ్గయ్యపేటకు వచ్చిన మంత్రి తొలుత ఎస్‌జీఎస్‌ ఆర్ట్‌ స్కూల్‌ నుంచి స్థానిక ఉపాధ్యాయుడు కె.సత్యనారాయణరావు నివాసాన్ని సందర్శించారు. ఆ తర్వాత రెండు అర్బన్ హెల్త్ సెంటర్లు, సామాజిక ఆసుపత్రుల్లో కొత్త భవనాలు ప్రారంభించారు. 

అయితే ఆమె తీవ్ర అస్వస్థతకు గురయ్యారు. మంత్రి పరిస్థితిని గమనించిన ఎన్టీఆర్ జిల్లా వైద్యాధికారి సుహాసిని ఆమెకు ఓరల్ రీహైడ్రేషన్ సాల్ట్స్ (ఓఆర్‌ఎస్) ప్యాకెట్‌ను అందించారు. అయినప్పటికీ, మంత్రి కార్యక్రమాన్ని మధ్యలోనే ఉపసంహరించుకోవలసి వచ్చింది.

ఆపై మంత్రి ఆమె బంధువుల నివాసానికి చేరుకున్నారు. ప్రస్తుతం రజనీకి సెలైన్ వేసిన డాక్టర్ సౌజన్య, ప్రభుత్వ వైద్యాధికారుల పర్యవేక్షణలో చికిత్స పొందుతున్నారు. ఆయాసం, డీహైడ్రేషన్ కారణంగానే మంత్రి అస్వస్థతకు గురయ్యారని వైద్యులు చెప్పారు.