ఈ వివరాల్లోకి వెళితే, హైదరాబాద్‌ సంతోష్ నగర్‌‌లోని సర్వర్ ఖాన్ ఇంట్లో అబ్దుల్ ఫరూక్ కుటుంబం కొంతకాలంగా అద్దెకు ఉంటోంది. కొద్ది నెలల క్రితం బండి పార్కింగ్ విషయంలో సర్వర్ ఖాన్‌కి, ఫరూక్‌కి మధ్య గొడవ వచ్చింది. ఆ స్థలం వారికి కేటాయించలేదని యజమాని వారికి కఠువుగా చెప్పాడు. దాంతో గొడవ కాస్త పెద్దదైంది.
కౌసర్ బేగం డబ్బులు లెక్కేస్తుండగా యజమాని కొడుకు ఆమె ఫోటోని తీసి సోషల్ మీడియాలో పోస్ట్ చేసి అసభ్య కామెంట్‌లు పెట్టాడు. ఈ విషయం తెలిసి ఫరూక్ వారిని నిలదీయడానికి వెళ్తే అతనిపై యాసిడ్‌తో దాడి చేశారు. ఇప్పుడు అతడిని ఆసుపత్రిలో చేర్పించారు. ఎడమ కన్నుకు, మర్మాంగానికి తీవ్ర గాయాలయ్యాయని వైద్యులు చెప్పారు. పోలీసులు హత్యాయత్నం క్రింద కేసు నమోదు చేసుకుని నిందితులను అరెస్ట్ చేశారు.
