15 ఏళ్ల క్రితం భర్తతో కలిసి వైజాగ్‌ నుంచి వలస వచ్చిన ఓ మహిళ (33), హైదరాబాద్ ఇందిరానగర్‌లో స్థిరపడింది. తన స్నేహితురాలిని కలుసుకునేందుకు తరచూ కర్నూలుకు వెళుతూ వచ్చేది. ఈ క్రమంలో అనిల్‌ అనే వ్యక్తితో పరిచయమేర్పడింది.
ఈ పరిస్థితుల్లో రెండు రోజుల క్రితం అనిల్‌ పిలుపు మేరకు రాత్రి 10 గంటల సమయంలో కర్నూలు బస్టాండ్‌కు వెళ్లింది. అనిల్‌తో పాటు ఆటో డ్రైవర్‌, మరో గుర్తు తెలియని వ్యక్తి ఆమెను ఆటోలో కర్నూలుకు నాలుగు కిలోమీటర్ల దూరంలో నిర్జన ప్రదేశానికి తీసుకువెళ్లి అత్యాచారం చేయడమే కాకుండా, ఆమె మెడలోని మంగళసూత్రాన్ని సైతం లాక్కెళ్లి పారపోయారు. ఆ తర్వాత బాధిత మహిళ కర్నూలు పట్టణ పోలీసులకు ఫిర్యాదు చేసింది.
