ఔను... అప్పటిదాకా అందరిచేత పొగడ్తలు కురిపించుకునేవారు ఉన్న ఫళంగా దబుక్కున కిందపడిపోయి అందరి చేత తిట్లు తిట్టించుకోవడం కొన్నిసార్లు జరుగుతుంటుంది. జబర్దస్త్ ప్రోగ్రాం విషయంలోనూ ఇదే జరిగింది. జబర్దస్త్ షోకి మరింత హైప్ తీసుకురావడానికి నాగబాబు -రోజాలు చేసిన ప్రయత్నం బెడిసికొట్టింది. దాంతో వారిని తప్పుపడుతూ సోషల్ నెట్వర్కింగ్ సైట్లలో విపరీతమైన ప్రచారం జరుగుతోంది.
ఇంతకీ విషయం ఏమిటంటే... గత కొద్దిరోజులుగా సుడిగాలి సుధీర్ టీం జడ్జిలైన నాగబాబు, రోజాలతో గొడవపడినట్లు, ఆ ప్రోగ్రాం నుంచి సుధీర్ ని నాగబాబు గెంటివేసినట్లు ప్రోమా హల్చల్ చేసింది. ఈ ప్రోగ్రాం నిజమేనేమోనని అంతా ఆసక్తిగా ఎదురుచూశారు. కానీ ఏప్రిల్ 1కి ముందురోజు ప్రసారమైన ఆ షో చూసినవారికి అదంతా టీఆర్పీ రేటింగుల కోసమేనని అర్థమైపోయింది.
