హైదరాబాద్ ఘట్కేసర్ పరిధిలోని ఎన్‌ఎఫ్సీ నగర్‌‌లోని భార్యాభర్తల విభేదాల కారణంగా కుమార్తె (17)తో కలిసి ఓ వివాహిత వేరుగా నివశిస్తోంది. ఈమెకు స్థానికంగా ఉన్న మరోవ్యక్తితో పరిచయమేర్పడింది. ఈ పరిచయం మరింత సన్నిహితంగా మారడంతో అతనితో కలిసి సహజీవనం చేయసాగింది. ఈ క్రమంలో 16 యేళ్ల యువతిపై కన్నేసిన కామాంధుడు... తన మనసులోని మాటను మహిళకు చెప్పాడు. అంతేకాకుడా, ఆ యువతిని శారీరకంగా మానసికంగా వేధించసాగాడు.
దీంతో విసిగిపోయిన కుమార్తె విషయాన్ని తల్లికి వివరించగా.. అతనికి సహకరించాలని ఆమె కూతురిపై ఒత్తిడి తెచ్చింది. అతను చెప్పినట్టు వింటే డబ్బులిస్తాడని, జీవితం బాగుంటుందని చెప్పింది. దీంతో యువతి తల్లి చెరనుంచి బయటపడి తండ్రి వద్దకు వెళ్లిపోయింది. అయినప్పటికీ, తల్లి వేధింపులు మానలేదు.
తాను చెప్పినట్టు వినకపోతే ఆత్మహత్య చేసుకుంటానని, నువ్వు చెడ్డదానివని అందరికీ చెబుతానని, పలువురితో నీకు సంబంధాలు అంటగట్టి దుష్ప్రచారం చేస్తానని బెదిరించసాగింది. దీంతో ఆ యువతి ఇక తాళలేక తల్లిపై పోలీసులకు ఫిర్యాదు చేసింది. ఫలితంగా కేసు నమోదు చేసిన పోలీసులు విచారణ జరుపుతున్నారు.
