ప్రకాశం జిల్లాలోని ఓ ప్రభుత్వ ఆఫీసులో నదీ పరివాహక ప్రాంతంలో కనిపిచే ఓ పాము ఒకటి ప్రత్యక్షమైంది. ఈ పాము పేరు ఆలీవ్ కీల్‌బాక్ స్నేక్. అది అరుదైన పాముగా గుర్తించారు. ప్రకాశం జిల్లాలోని మార్కాపురం ప్రభుత్వ అటవీ శాఖ కార్యాలయంలో ప్రత్యక్షమైంది. దీంతో ఈ పామును పట్టుకున్న అటవీ సిబ్బంది... దాన్ని తీసుకెళ్లి నల్లమల అటవీ ప్రాంతంలో వదిలిపెట్టారు.
దీనిపై జిల్లా అటవీ శాఖ అధికారి అప్పావ్ విఘ్నేశ్ మాట్లాడుతూ, ఇలాంటి పాములు చాలా అరుదుగా కనిపిస్తుంటాయని, అందువల్ల ఆ పామును పట్టుకుని జాగ్రత్తగా తీసుకెళ్లి అటవీ ప్రాంతంలో వదిలిపెట్టినట్టు చెప్పారు. సాధారణంగా నదీ పరీవాహక ప్రాంతాల్లో ఇలాంటి పాములు కనిపిస్తుంటాయనీ, కానీ ఇపుడు మైదాన ప్రాంతంలోకి రావడం ఆశ్చర్యపరిచిందని చెప్పారు.
