జనసేన పార్టీ అధినేత, పవర్ స్టార్ పవన్ కళ్యాణ్ పుట్టిన రోజు వేడుకలను ఆయన అభిమానులు ఘనంగా జరుపుకుంటున్నారు. ఈ పుట్టిన రోజును పురస్కరించుకుని రెండు తెలుగు రాష్ట్రాల్లోనే కాకుండా... ఇతర ప్రాంతాల్లో ఉన్న వారు కూడా ... తమ అభిమాన హీరో పుట్టిన రోజు వేడుకలను జరుపుకుంటున్నారు. ఈ క్రమంలో ఓ విషాదకర సంఘటన జరిగింది.
పవన్ పుట్టిన రోజుని పుర‌స్క‌రించుకొని చిత్తూరు జిల్లా కుప్పం సమీపంలోని శాంతిపురం మండలం ఏడవమైలు గ్రామంలో 25 అడుగుల ఎత్తున బ్యానర్ క‌ట్టేందుకు పవన్ అభిమానులు ప్రయత్నం చేశారు. అయితే బ్యానర్ క‌ట్టే క్రమంలో విద్యుత్ వైర్లు తగ‌ల‌డంతో ఒక్కసారిగా నిప్పులు చెలరేగాయి. మొత్తం 10 మంది విద్యుదాఘాతానికి గురికాగా, ముగ్గురు కూడా అక్కడికక్కడే చనిపోయినట్లు తెలుస్తోంది. మృతులను సోమశేఖర్‌, అరుణాచలం, రాజేంద్రగా గుర్తించారు.
