ఇదే అంశంపై ఆయన మాట్లాడుతూ, భీమవరంలో పవన్ కల్యాణ్ ఓడిపోయే అవకాశమే లేదని, అక్కడ ఓడిపోవడానికి కారణం ఎవరో తెలుసుకోవాలని పవన్‌కు ఆయన హితవు పలికారు. పవన్ ఓటమికి వైసీపీ కారణం కాదన్నారు. భీమవరంలో రూ.15 కోట్లు ఖర్చు పెట్టి మరీ పవన్‌వద్దంటూ టీడీపీ ప్రచారం చేసిందని పోసాని ఆరోపించారు.
ఆరోపణలు చేయడంలో తప్పులేదని, అయితే ఆరోపణలు చేయడానికి తగిన ఆధారాలు చూపాలన్నారు. ఇప్పుడు తాను పెట్టిన ప్రెస్మీట్‌పైనా ఆరోపణలు చేయొచ్చన్నారు. పోసాని డబ్బులు తీసుకుని ప్రెస్మీట్లు పెడతాడని ఆరోపించవచ్చు.. అయితే, నేను ఎవరి దగ్గరి నుంచి డబ్బులు తీసుకున్నాను, ఎప్పుడు తీసుకున్నాననే వివరాలు కూడా చెప్పాలన్నారు.
వేల మంది అమ్మాయిలు పనిచేస్తున్న వాలంటీర్ వ్యవస్థపై నిరాధార ఆరోపణలు చేయడం సరికాదని, పవన్ రాజకీయ జీవితానికి కూడా మంచిది కాదని పోసాని చెప్పారు. పొరపాట్లు చేయడం తప్పు కాకపోవచ్చు కానీ చేసిన పొరపాటు గుర్తించి క్షమాపణ చెప్పడం హుందాతనమని పోసాని కృష్ణమురళి అన్నారు.
