తెలంగాణ రాష్ట్ర క్యాడర్‌కు చెందిన ఐఏఎస్ అధికారి ఒకరు చిక్కుల్లో పడ్డారు. గత 2014 బ్యాచ్‌కు చెందిన ఐఏఎస్ అధికారి సందీప్ కుమార్ ఝాపైపై ఆయన భార్య పోలీసులకు ఫిర్యాదు చేసింది. తన భర్త అసహజ శృంగారానికి ఒత్తిడి చేస్తున్నారని, వరకట్న వేధింపులకు పాల్పడుతున్నారంటూ తన ఫిర్యాదులో పేర్కొన్నారు. దీంతో ఎఫ్ఐర్‌ నమోదు చేయాలని ఛత్తీస్‌గఢ్ కోర్టు ఆదేశాలు జారీచేసింది.
రూ.కోటికి పైగా ఖర్చుచేసి పెళ్లి జరిపించినా.. పెద్దఎత్తున బంగారం, ఆభరణాలు తీసుకురావాలని ఆయన డిమాండ్ చేశారని ఆమె ఆరోపించారు. పెళ్లికి ముందు, తర్వాత కట్నం కోసం ఆయన హింసించారన్నారు. సందీప్ కుమార్ ఝా ప్రస్తుతం తెలంగాణ ఐటీ శాఖలో జాయింట్ సెక్రటరీగా పనిచేస్తున్నారు.
