సవతి తల్లి పోరు ప్రకాశం జిల్లాలో చోటుచేసుకుంది. చిన్నపిల్లాడని కూడా చూడకుండా ఒంటి నిండా వాతలు పెట్టి తన సవతి బుద్ధిని ప్రదర్శించింది. వివరాల్లోకి వెళితే.. ప్రకాశం జిల్లా దర్శిలో నాలుగేళ్ల బ్రహ్మయ్య అనే బాలుడిపై ఈ దాష్టికం జరిగింది. బ్రహ్మయ్య తండ్రి ఆంజనేయులు వద్ద ఉంటున్నాడు. ఆంజనేయులు రెండో భార్య లక్ష్మీకి తొలి భార్య కుమారుడు. కానీ బ్రహ్మయ్య తమతో ఉండేది ఇష్టం ఉండేది కాదు.
దీంతో అభం శుభం తెలియని ఆ చిన్నారిని చితబాదింది. ఆపై ఓ గదిలో బంధించింది. ఆమె కొట్టిన దెబ్బలకు బ్రహ్మయ్యకు తల నుంచి తీవ్ర రక్తస్రావం జరిగింది. ఎలాగోలా అక్కడినుంచి తప్పించుకున్న ఆ బాలుడు రోడ్డు పైకి రావడంతో స్థానికులు ఆ బాలుడిని ఆస్పత్రిలో చేర్పించారు. దీనిపై కేసు నమోదు చేసుకున్న పోలీసులు పరారీలో ఉన్న సవతి తల్లి లక్ష్మీ. తండ్రి ఆంజనేయులు కోసం గాలిస్తున్నారు.
