ఆంధ్రప్రదేశ్ రాష్ట్ర ఆర్థిక రాజధానిగా ఉన్న బెజవాడలో వ్యభిచారగుట్టును పోలీసులు రట్టు చేశారు. ఇంటి నుంచి పారిపోయిన వచ్చిన ఓ యువతిని ఆటో డ్రైవర్ నమ్మించి వ్యభిచారగృహం నిర్వాహకురాలికి రూ.20 వేలకు విక్రయించాడు. ఫలితంగా ఆ యువతి ఒక యేడాది కాలంగా వ్యభిచారకూపంలో మగ్గుతూ వచ్చింది. చివరకుసాటి వ్యభిచారిణుల సహకారంలో బయటపడిన ఆ యువతి పోలీసులకు ఫిర్యాదు చేయడంతో ఈ విషయం వెలుగుచూసింది. ఈ వివరాలను పరిశీలిస్తే..
ఖమ్మం జిల్లాకు చెందిన యువతి తల్లిదండ్రులు చనిపోవడంతో పెద్దనాన్న ఓ ముసలివాడికి ఇచ్చి పెళ్ళి చేశాడు. ఆ పెళ్లి ఇష్టం లేక ఆమె ఇంటి నుంచి పారిపోయి విజయవాడ వచ్చింది. ఆమె స్థానిక బస్టాండులో తచ్చాడుతుండగా గమనించిన ఓ ఆటో డ్రైవర్.. కూలి పని ఇప్పిస్తానని చెప్పి నమ్మించాడు. దీంతో ఆటో ఎక్కిన ఆ యువతిని నేరుగా వ్యభిచారం నిర్వహించే శోభారాణి అనే మహిళకు రూ.20 వేలకు విక్రయించాడు.
