హైదరాబాద్‌ నగరంలో భర్త పైశాచికంగా ప్రవర్తించాడు. హీటర్‌ను ఎక్కువ సేపు వాడిందనీ భార్యను వివస్త్రను చేసి చితక్కొట్టాడు. బాత్ రూంలో స్నానం చేస్తున్న భార్యను వివస్త్రగానే బయటకు లాక్కుని వచ్చి ఆ భర్త దాడితో తీవ్ర మనస్తాపానికి గురైన బాధితురాలు ఉరేసుకుని ఆత్మహత్యకు పాల్పడింది. తాజాగా వెలుగులోకి వచ్చిన ఈ వివరాలను పరిశీలిస్తే...
సైదాబాదుకు చెందిన మోహన్‌తో నల్లగొండ జిల్లాకు చెందిన సుశ్రుతకు ఎనిమిదేళ్ల క్రితం వివాహమైంది. వీరికి ఇద్దరు పిల్లలున్నారు. మోహన్ ఓ ప్రైవేట్ కంపెనీలో ఉద్యోగం చేస్తుండగా, సుశ్రుత గృహిణిగా ఉంటోంది. ఈ క్రమంలో ఆదివారం ఉదయం స్నానం చేసేందుకు వేడి నీళ్లు పెట్టుకున్న సుశ్రుత వాటర్ హీటర్ కాస్తంత ఎక్కువ సేపు ఆన్‌లో ఉంచింది.
అత్తామామలు, ఆడబిడ్డ, పిల్లల ముందుకు తనను వివస్త్రగా లాక్కొచ్చిన వైనంపై సుశ్రుత తీవ్ర మనస్తాపానికి గురైంది. ఈ క్రమంలో తన గదిలోకి వెళ్లిపోయిన ఆమె... తనకు జరిగిన అవమానాన్ని తల్లిదండ్రులకు వివరిస్తూ వాట్సప్‌లో ఓ పోస్ట్ పెట్టింది. ఆ తర్వాత ఆమె ఉరేసుకుని ఆత్మహత్య చేసుకుంది. సుశ్రుత వాట్సాప్‌లో పెట్టిన పోస్ట్ ప్రస్తుతం వైరల్‌గా మారింది.
