గుంటూరుజిల్లాలో కరోనా పాజిటివ్ కేసులు పెరుగుతున్న నేపధ్యంలో వ్యాపార సంస్థలు శుక్రవారం నుండి ఉదయం 6 గంటల నుండి మధ్యాహ్నం 12 గంటల వరకు మాత్రమే వ్యాపారాలు నిర్వహించుకునేందుకు గుంటూరు జిల్లా ఛాంబర్ ఆఫ్ కామర్స్ ముందుకు వచ్చినందున అందుకు అనుమతి మంజూరు చేసినట్లు జిల్లా కలెక్టర్ ఐ. శామ్యూల్ ఆనంద్ కుమార్ తెలిపారు.
కరోనా వైరస్ వ్యాప్తిని అదుపు చేసేందుకు ప్రతి ఒక్కరూ తరచూ చేతులు శానిటైజ్ చేసుకుంటూ, అన్ని ముందస్తు జాగ్రత్త చర్యలు పాటించి జిల్లా యంత్రాంగానికి సహకరించాలన్నారు. నిబంధనలు ఉల్లంఘించిన వారిపై కఠిన చర్యలు తీసుకోవడం జరుగుతుందని జిల్లా కలెక్టర్ పేర్కొన్నారు.
