గన్నవరం : కృష్ణా జిల్లా గూడవల్లి లోని శ్రీ చైతన్య కాలేజీకి చెందిన ఒక ఉద్యోగిని అనుమానాస్పద స్థితిలో మృతి చెందింది. రామన్ భవన్ 1లో లేడీస్ క్యాంపస్ కళాశాలలో అకౌంటెంట్‌గా పని చేస్తున్న కర్రెటి రామాపృద్వి అనే వివాహిత కాలేజిలో ఉరివేసుకుని అనుమానాస్పద స్థితిలో మృతి చెందింది. రెండు నెలల క్రితం ఆమె ఇక్కడ పనిలో చేరింది.
ఆర్థిక లావాదేవీలలో లక్ష రూపాయలు తేడా వచ్చాయని, యాజమాన్యం గత కొంతకాలంగా వేధింపులకు గురి చేస్తోంద‌ని తల్లిదండ్రులు ఆరోపించారు. కళాశాలకు వచ్చిన తర్వాత ఇక్కడివాళ్ళే తమ కుమార్తెను చంపేశార‌ని తల్లి ఆరోపిస్తోంది. రెవెన్యూ అధికారులు శవ పంచనామా చెయ్యకుండానే మృత‌దేహాన్ని ఆస్పత్రికి తరలించే ప్రయత్నం చేశారు. మృతురాలి బంధువులు ఆమె మృతికి కారకులైన వారిని కఠినంగా శిక్షించాలని అంబులెన్స్ ముందు బైఠాయించారు.
