ఆయన ఒక ప్రకటన చేస్తూ ముఖ్యంగా ఉభయ గోదావరి జిల్లాల్లో పంటలు పూర్తిగా ముంపున‌కు గుర‌య్యాయ‌ని తెలిపారు. రైతులు హాహాకారాలు చేస్తూంటే ప్రభుత్వం తగిన చర్యలు, సహాయ కార్యక్రమాలు చేపట్టడంలో విఫలమవుతుంద‌న్నారు.
ముఖ్యంగా వాగులు, వంకలు పొంగడంతో పంట పొలాలే కాక ఇళ్లల్లోకి నీళ్లు వచ్చి ఆయా జిల్లాల్లో వందలాది మంది నిరాశ్రయుల‌య్యార‌ని అన్నారు. అలాగే వర్షాలకు కొండ ప్రాంతంలో కొండ చరియలు విరిగిప‌డి ప‌లువురు గాయాలపాలయ్యారన్నారు.
బాధితులను ఆదుకోవాలని కార్య‌క‌ర్త‌ల‌కు పిలుపు...
రాష్ట్రంలో భారీ వర్షాలకు నష్టపోయిన బాధితులను మన వంతు సాయంగా కాంగ్రెస్ నాయకులు, కార్యకర్తలు సహాయ కార్యక్రమాల్లో పాల్గొనాలని శైలజానాథ్ పిలుపునిచ్చారు నిరాశ్రయులైన బాధితులకు తిండి, ఆశ్రయం కల్పించడంలో అధికారులతో మాట్లాడి తగిన సహాయం చేయాలన్నారు.
అలాగే బాధితులకు వీలైనంత వ్యక్తిగత సాయం కూడా చేయాలన్నారు. భారీ వర్షాలు మరిన్ని రోజులు పడే అవకాశం ఉన్నందున ప్రజలను ముందుగా సురక్షిత ప్రాంతాలకు తరలివెళ్లే విధంగా ప్ర‌జ‌ల్లో చైతన్యం కల్పించి, అధికారులను అప్రమత్తం చేయాలని శైలజానాథ్ విజ్ఞప్తి చేశారు.
