ఇప్పటికే అల్పపీడన ప్రభావంతో దక్షిణ కోస్తా, రాయలసీమ పలు జిల్లాల్లో వర్షాలు కురుస్తున్నాయి. ఆదివారం చిత్తూర్, నెల్లూరు జిల్లాల్లో భారీ వర్షాలు కురిశాయి.
కడప, చిత్తూరు, నెల్లూరు, ప్రకాశం జిల్లాల్లో నేడు భారీ వర్షాలు కురిసే అవకాశం ఉందని వాతావరణ శాఖ హెచ్చిరిస్తోంది. ఈనెల 10న అల్పపీడన ప్రభావంతో నెల్లూరు, కడప, గుంటూర్ జిల్లాల్లో భారీ వర్షం కురుస్తుందని వెల్లడించింది.
దీంతో ఈ జిల్లాల్లో రెడ్ అలెర్ట్ జారీ చేశారు. 11న నెల్లూరు, చిత్తూరు, కడప, ప్రకాశం, గుంటూరు, కృష్ణా, ఉభయగోదావరి జిల్లాలకు భారీ వర్ష సూచనలు చేసింది వాతావరణ శాఖ. సముద్రం అల్లకల్లోలంగా ఉండటంతో మత్స్యకారులు చేపల వేటకు వెళ్లవద్దని అధికారులు హెచ్చిరికలు జారీ చేశారు.
