ఆత్మహత్యకు పాల్పడిన వర్ధమాన నటుడు విజయ్‌కి హెచ్ఐవీ వుందని ఆయన భార్య వనిత (32) అలియాస్ వరలక్ష్మి చేసిన ఆరోపణలను పోలీసులు సీరియస్‌గా తీసుకున్నారు. విజయ్ మృతదేహానికి పోస్టుమార్టం జరగనుండగా, ఆయన శరీరంలో హెచ్ఐవీ వైరస్ ఉందా? అన్న విషయాన్ని కూడా నిర్ధారించుకునే పరీక్షలు జరపించాలని పోలీసులు నిర్ణయించారు.
కాగా ఆత్మహత్యకు ముందు తీసిన సెల్ఫీ వీడియోలో విజయ్, తన భార్య అక్రమ సంబంధాల గురించి ఆరోపణలు చేశాడు. వాటి ఆధారంగానే పోలీసులు కేసు నమోదు చేశారు. ఆపై వనిత మీడియా ముందుకు వచ్చి విజయ్‌కి మరో అమ్మాయితో సంబంధం వుందని.. తండ్రితో ఆస్తి గొడవులు ఉన్నాయని ఆరోపించింది. ఈ ఆరోపణల్లో ఎంతవరకు నిజముందో తేల్చేందుకు పోలీసులు సిద్ధమయ్యారు.
