ఆంధ్రప్రదేశ్‌లో ఇటీవల జరిగిన సార్వత్రిక ఎన్నికల్లో వైఎస్ జగన్‌మోహన్‌రెడ్డి నేతృత్వంలోని వైఎస్సార్‌ కాంగ్రెస్ పార్టీ ఘోర పరాజయాన్ని చవిచూసింది. మొత్తం 175 అసెంబ్లీ, 25 పార్లమెంట్‌ స్థానాల్లో వైసీపీ 11, నాలుగు స్థానాల్లో విజయం సాధించింది.
కాగా, జగన్ ఇప్పుడు తమ పార్టీని కాంగ్రెస్‌లో విలీనం చేయాలని భావిస్తున్నారని బీజేపీ ఎమ్మెల్యే నల్లిమిల్లి రామకృష్ణారెడ్డి ఆరోపించారు. జగన్ ఇటీవల బెంగళూరులో డీకే శివకుమార్‌ను కలిశారని, తన సోదరి షర్మిలను పార్టీ నుంచి తొలగిస్తే వైసీపీని కాంగ్రెస్‌లో విలీనం చేస్తానని జగన్ హామీ ఇచ్చారని తెలిపారు.
జగన్‌కు తన 11 మంది ఎమ్మెల్యేలు, నలుగురు ఎంపీల్లో ఎంతమంది తనతో పాటు ప్రయాణిస్తారో తెలియదు. తన రాజ్యసభ ఎంపీలు తన వెంట ఉంటారో లేదో తెలియదు. నిస్సహాయ స్థితిలో ఉన్న ఆయన కాంగ్రెస్ పార్టీలో చేరాలని నిర్ణయించుకున్నారు' అని రామకృష్ణారెడ్డి అన్నారు.
