08-06-2022 బుధవారం రాశిఫలాలు ... గణపతిని పూజించినా మీకు శుభం...

మేషం :- స్థిరాస్తి కొనుగోలు యత్నాలు వేగం అవుతాయి. ప్రింటింగ్ రంగాల వారికి బకాయిల వసూళ్ళలో శ్రమాధిక్యత, ప్రయాసలను ఎదుర్కొంటారు. వ్యాపార రంగాల వారికి అధికారుల తనిఖీలు, పనివారల నిర్లక్ష్యం ఆందోళన కలిగిస్తాయి. ఉద్యోగస్తులు ఒత్తిడి, ప్రలోభాలకు దూరంగా ఉండటం శ్రేయస్కరం.

వృషభం :- వస్త్రాలు, గృహోపకరణాలు సమకూర్చుకుంటారు. బ్యాంక్ వ్యవహారాల్లో మెళుకువ అసవరం. ఉపాధ్యాయులకు యాజమాన్యం ఒత్తిడి అధికం. మీ గౌరవ ప్రతిష్టలు ఇనుమడిస్తాయి. పాడి పశువులు, పెంపుడు జంతువుల విషయంలో ఆందోళన చెందుతారు. స్త్రీల అవసరాలు, మనోవాంఛలు నెరవేరుతాయి.

మిథునం :- వాతావరణంలో మార్పు వల్ల స్వల్ప అస్వస్థతకు లోనవుతారు. మీరు ప్రతి పనిని స్వయంగా చేయడం వల్ల సుఖపడతారు. బ్యాంకు పనుల్లో ఒత్తిడి, హాడావుడి ఎదుర్కుంటారు. కోర్టు వ్యవహారాల్లో ప్లీడర్ల ధోరణి ఆందోళన కలిగిస్తుంది. వస్త్ర వ్యాపారులు పనివారలను ఓ కంట కనిపెట్టుకుని ఉండటం శ్రేయస్కరం.

కర్కాటకం :- వ్యాపారాల్లో ఆటుపోట్లు, నష్టాలను క్రమంగా అధిగమిస్తారు. ఉద్యోగస్తులకు పై అధికారుల నుంచి గుర్తింపు, రాణింపు లభిస్తుంది. రుణాలు, చేబదుళ్లు ఇచ్చే విషయంలో జాగ్రత్త అవసరం. శారీరక శ్రమ, మానసిక ఒత్తిడి వల్ల అస్వస్థతకు గురవుతారు. విద్యార్థులకు హడావుడి, తొందరపాటు తగదు.

సింహం :- వ్యాపారాభివృద్ధికై చేయుప్రయత్నాలలో సత్ఫలితాలు పొందుతారు. మీ లక్ష్యసాధనకు బాగా కష్టపడాలి. అతిథి మర్యాదలు బాగుగా నిర్వహిస్తారు. మత్స్య, కోళ్ళ వ్యాపారస్తులకు సామాన్యంగా ఉంటుంది. పారిశ్రామిక రంగంలో వారికి కార్మికులకు మధ్య పరస్పర అవగాహన లోపం వంటివి ఆందోళన కలిగిస్తాయి.

కన్య :- వాగ్వివాదాలకు దిగిసమస్యలు కొని తెచ్చుకోకండి. ఆలయాలను సందర్శిస్తారు. స్థిరాస్తి క్రయవిక్రయాల్లో పునరాలోచన అవసరం. ప్రభుత్వ కార్యాలయాల్లో మీ పనులు ఆశించినంత చురుకుగా సాగవు. సభలు, సమావేశాల్లో మీ ప్రసంగాలు పలువురిని ఆకట్టుకుంటాయి. నిరుద్యోగులకు ఒక వార్త ఎంతో సంతృప్తినిస్తుంది.

తుల :- పత్రిక, ప్రైవేటు సంస్థలలోని వారికి నిరుత్సాహం తప్పదు. కుటుంబీకుల మధ్య అనురాగ వాత్సల్యాలు పెంపొందుతాయి. స్థిరాస్తిని అమ్మటానికి చేయుయత్నాలు వాయిదా పడతాయి. ఉద్యోగాల్లో ఊహించిన మార్పులు, ఆదాయాభివృద్ధి ఉంటాయి. స్త్రీలు ఓర్పు, పట్టుదలతో శ్రమించి అనుకున్నది సాధిస్తారు.

వృశ్చికం :- మీ కళత్రమొండి వైఖరి, కుటుంబీకుల పట్టుదల మనశ్శాంతిని దూరం చేస్తాయి. బ్యాంకు వ్యవహారాల్లో మెళుకువ అసవరం. క్రీడలపట్ల నూతన ఉత్సాహం కానవస్తుంది. ఖర్చులు పెద్దగా లేకున్నా ధనవ్యయం, ధనసహాయం విషయంలో జాగ్రత్తగా ఉండాలి. ఒక స్థిరాస్తి విక్రయించాలనే ఆలోచన విరమించుకోవటం ఉత్తమం.

ధనస్సు :- దంపతుల మధ్య అన్యోన్యత నెలకొంటుంది. ప్రేమికులకు నూతన ఆలోచనలు స్ఫురిస్తాయి. బంధుమిత్రులతో విభేదాలు తీరతాయి. వృత్తిపరంగా ఆదాయాభివృద్ధి, పరిచయాలు విస్తరిస్తాయి. స్త్రీలకు షాపింగ్ వ్యవహారాలలో జాగ్రత్త అవసరం. నిరుద్యోగులు ఉపాధి పథకాల్లో క్రమంగా నిలదొక్కుకుంటారు.

మకరం :- ఆదాయ వ్యయాలు సంతృప్తికరంగా ఉంటాయి. బంధువుల ఆకస్మికరాక ఆశ్చర్యం కలిగిస్తుంది. ఏజెంట్లకు, రిప్రజెంటేటికు ఒత్తిడి పెరుగుతుంది. స్త్రీలు విదేశీ వస్తువుల పట్ల ఆసక్తి పెరుగుతుంది. మీ సంతానం మొండివైఖరి మీకు చికాకులు కలిగిస్తుంది. ఉద్యోగస్తుల దైనందిన కార్యక్రమాలు ప్రశాంతంగా సాగుతాయి.

కుంభం :- దంపతుల మధ్య అభిప్రాయభేదాలు చోటుచేసుకున్నా నెమ్మదిగా సమసిపోతాయి. విద్యార్థులకు కొత్త పరిచయాలు సంతృప్తినిస్తాయి. తలపెట్టిన పనులు ఉత్సాహంగా పూర్తి చేస్తారు. వైద్యులకు శస్త్ర చికిత్సలు నిర్వహించునపుడు మెళుకువ, ఏకాగ్రత అవసరం. ఖర్చుకు వెనుకాడకుండా విలువైన వస్తువులు సేకరిస్తారు.

మీనం :- నిత్యావసర వస్తు స్టాకిస్టులకు, వ్యాపారులకు పురోభివృద్ధి. ఉమ్మడి వెంచర్లు, సంస్థల స్థాపనలో పునరాలోచన అవసరం. ధనం ఏమాత్రం నిల్వ చేయలేకపోవడం వల్ల ఆందోళనకు గురవుతారు. ఉద్యోగస్తులకు అధికారులతో చికాకులు ఎదురవుతాయి. స్త్రీలు నరాలు, ఉదరానికి సంబంధించిన చికాకులు ఎదుర్కుంటారు.