ఒకదశలో ఇన్వెస్టర్లను దివాళా స్థాయికి దిగజార్చిన బిట్‌కాయిన్‌ ఇప్పుడు మళ్ళీ పుంజుకుంది. 2017లో గరిష్ఠ స్థాయికి చేరిన బిట్ కాయిన్ ధర తర్వాత భారీగా క్షీణించింది. అప్పటి నుంచి అంటే గడచిన రెండేళ్ళ కాలంలో ఈ నెలలో బిట్‌కాయిన్‌ ధర రికార్డు స్థాయిలో పెరిగింది. సోమవారం 10 శాతం పెరిగిన బిట్ కాయిన్ ధర 9000 డాలర్లకు చేరింది.
అనేక బ్రోకింగ్‌ సంస్థలు బిట్ కాయిన్ భవిష్యత్తు గురించి ఆందోళన వ్యక్తం చేసినప్పటికీ కేవలం ఒకే ఒక్క నెలలో బిట్ కాయిన్ దాదాపు 70 శాతం పెరిగింది. అనేక అంతర్జాతీయ సంస్థలు, బహుళ జాతి కంపెనీలు బిట్ కాయిన్‌ను తీసుకునేందుకు అంగీకరిస్తుండటంతో బిట్ కాయిన్ పట్ల జనాల్లో ఆసక్తి పెరుగుతోంది.
