కారు కొనే వారికి గుడ్ న్యూస్.. 30 నిమిషాల్లోనే కారు లోన్
మంగళవారం, 10 మే 2022 (14:18 IST)
Xpress Car Loan
కారు కొనే వారికి గుడ్ న్యూస్. హెచ్‌డీఎఫ్‌సీ బ్యాంక్ వినియోగదారులకు, అర్హతలు ఉన్నవారికి 30 నిమిషాల్లోనే కారు రుణం ఇవ్వడానికి ప్రణాళికలు సిద్ధం చేసింది. హెచ్‌డీఎఫ్‌సీ బ్యాంక్ కేవలం 30 నిమిషాల్లోనే ఎక్స్‌ప్రెస్ కారు లోన్స్‌ని ప్రారంభించింది.
ఆటోమోటివ్ డిజిటల్ ప్రక్రియ ద్వారా కేవలం అరగంటలో కారు డీలర్ ఖాతాలో రుణ మొత్తం జమ అవుతుందని బ్యాంకు పేర్కొంది. ఈ ప్రాసెసింగ్ అంతా డిజిటల్‌గా జరుగుతుంది. ఈ రుణ సదుపాయంతో దేశంలో కారు ఫైనాన్సింగ్ విధానంలో విప్లవాత్మక మార్పులు వస్తాయని బ్యాంకు భావిస్తోంది.
కారు కొనుగోలు దారుల కోసం సౌకర్యవంతమై, వేగవంతమైన డిజిటల్ సౌకర్యాన్ని సృష్టించింది. ఇది చిన్న పట్టణాలు, గ్రామీణ ప్రాంతాల్లో సహా దేశవ్యాప్తంగా కార్ల కొనుగోలు ప్రక్రియను సులభతరం చేసేందుకు కార్ల అమ్మకాల్లో వేగం పెంచేందుకు సాయపడుతుందని బ్యాంకు తెలిపింది.
ఈ రుణ సదుపాయం ప్రస్తుతం నాలుగు వీలర్ వాహనాలకు అందిస్తారు. క్రమంగా ద్విచక్ర వాహన రుణాలకు తర్వాత అందుబాటులోకి వస్తుంది.
