భారతదేశంలో తొలి ఒబెన్ ఎలక్ట్రిక్ మోటార్‌ బైక్.. ధరెంతో తెలుసా?

Oben Rorr

బెంగళూరుకు చెందిన ఒబెన్ ఎలక్ట్రిక్ భారతదేశంలో తన మొదటి ఎలక్ట్రిక్ ఉత్పత్తి రోర్ ఎలక్ట్రిక్ మోటార్‌ సైకిల్ డెలివరీలను ప్రారంభించింది. ఒబెన్ రోర్ 25 యూనిట్లను బెంగళూరులో డెలివరీ చేసినట్లు కంపెనీ ప్రకటించింది. ఈ ఎలక్ట్రిక్ మోటార్‌సైకిళ్లు 9 జూలై, 2023 ఆదివారం నాడు బెంగళూరులోని జిగానిలో ఉన్న వారి తయారీ కేంద్రంలో జరిగిన కార్యక్రమంలో డెలివరీ చేయబడ్డాయి. 

ఒబెన్ ఎలక్ట్రిక్ మొదటి 25 మంది యజమానులకు ప్రత్యేకమైన ఒబెన్ ఎలక్ట్రిక్ వస్తువులను కూడా అందించింది. కొత్త ఒబెన్ రోర్ మూడు సెకన్లలో 0-40కిమీ త్వరణం, 100కిమీల గరిష్ట వేగం, పూర్తి ఛార్జ్‌తో 187కిమీల IDC పరిధిని కలిగి ఉంది. 

ఒబెన్ కంపెనీ ఉచిత రోడ్‌సైడ్ అసిస్టెన్స్, 12,000 పైగా ఛార్జింగ్ స్టేషన్‌లకు యాక్సెస్‌ను కూడా అందిస్తోంది. ఈ ఎలక్ట్రిక్ మోటార్ సైకిల్ ధర రూ. 1,49,999. ఇది భారతదేశంలో 150cc ICE-ఆధారిత మోటార్‌సైకిళ్లకు ప్రత్యర్థిగా నిలవాలని లక్ష్యంగా పెట్టుకుంది. కంపెనీ తన పత్రికా ప్రకటనలో ఈ ఎలక్ట్రిక్ మోటార్‌సైకిల్ కోసం 21,000 ప్రీ-ఆర్డర్‌లను కలిగి ఉంది.