అత్యున్నత ప్రమాణాలు పాటిస్తున్న ప్రపంచ శాస్త్ర విశ్వవిద్యాలయాల జాబితాను ది టైమ్్స హయ్యర్‌ ఎడ్యుకేషన్‌ సప్లిమెంట్‌ విడుదల చేసింది. 1971లో స్థాపించిన ఈ సంస్థ ప్రపంచ వ్యాప్తంగా 1300 కుపైగా వివిధ విశ్వవిద్యాలయాల్లో ఉన్నత విద్యా ప్రమాణాలపై జరిపిన అధ్యయనాల ఆధారంగా ఈ జాబితా విడుదల చేసింది. వాటి వివరాలు.
1. కేంబ్ర్జిడ్‌ విశ్వవిద్యాలయం: బ్రిటన్‌లోని కేంబ్ర్జిడ్‌కు అగ్రస్థానం లభించింది. మరో ఐదేళ్లలో 800వ సంవత్సరంలో అడుగుపెట్టే ఈ శాస్త్ర విశ్వవిద్యాలయంలో వందకు పైగా విభాగాలున్నాయి. 15 వ శతాబ్ధి నుంచే పలు సాహితీ మేధావులను, నోబుల్‌ పురస్కార గ్రహీతలను తయారు చేసిన ఘనత ఈ విశ్వవిద్యాలయానికి ఉంది.
2. ఆక్స్‌ఫర్డ్‌ విశ్వవిద్యాలయం: ఈ విశ్వవిద్యాలయాన్ని ఎపుడు స్థాపించారో స్పష్టంగా తెలియనప్పటికీ, 1096వ ఏటి నుంచి ఇది పని చేస్తోందనడానికి ఆధారాలున్నాయి. అయితే ప్యారిస్‌ విశ్వవిద్యాలయంలో ఇంగ్లీష్‌ విద్యార్థులు చదువుకోవడంపై హెన్రీ 2 రాజు నిషేధం విధించిన 1167 కాలంనుంచి ఈ విశ్వవ్యిదాలయం మంచి ప్రాచుర్యం పొందింది. ఈ విశ్వవిద్యాలయ పరిధిలో ఉన్న 40 కళాశాలల్లో అందరికీ ప్రవేశం ఉండగా, సెయింట్‌ హిల్డాస్‌ కళాశాలలో మహిళలను మాత్రమే అనుమతిస్తున్నారు.
3. హార్వార్డ్‌ విశ్వవిద్యాలయం: అమెరికాకు చెందిన మరో విశ్వవిద్యాలయమైన హార్వార్డ్‌కు 3వ స్థానం లభించింది. 1636లో స్థాపించినట్టు చెబుతున్న ఈ విశ్వవిద్యాలయానికి స్థాపకులలో ఒకరైన జాన్‌ హార్వార్డ్‌ పేరు పెట్టారు. అమెరికా మాజీ అధ్యక్షులైన జాన్‌ ఆడమ్స్‌, జాన్‌ క్విన్సీ ఆడమ్స్‌, థియోదోర్‌, ఫ్రాంక్లిన్‌ రూజ్‌వెల్ట్‌, రూథరఫోర్డ్‌, కెన్నడీ, జార్జ్‌ బుష్‌లు ఈ విశ్వవిద్యాలయంలోనే చదివారన్నది గమనార్హం. ఇప్పటి వరకు 40 మంది నోబుల్‌ అవార్డు గ్రహీతల్ని ఈ విశ్వవిద్యాలయం అందించింది.
